"ერთიანი ნაციონალური მოძრაობის" გენერალური მდივნის ვანო მერაბიშვილისთვის გაუგებარია, რაში სჭირდება ხელისუფლებას საკონსტიტუციო ცვლილებები. როგორც მან დღევანდელ პრესკონფერენციაზე განაცხადა, თუ ხელისუფლებას ცვლილებების მიღება სურს, მაშინ მისთვის "ნაციონალურ მოძრაობას" გუშინ ძალიან კარგი შეთვაზება ჰქონდა.
"თუმცა ჩემთვის არის გაუგებარი რაში სჭირდება ეს ხელისუფლებას, კიდევ ერთხელ ვიმეორებ. მაგრამ რახან, ასეთი აკვიატება აქვთ და დაჟინებული მოთხოვნა, თუ მათ სურთ ისინი ჩაატარებდნენ სარეიტინგო კენჭისყრას. თუ ქვეყანაზე და ხალხზეა ფიქრობს ხელისუფლება მისთვის არ უნდა იყოს პრინციპული - იქნება თუ არ იქნება სარეიტინგო კენჭისყრა", - განაცხადა მერაბიშვილმა.
მისივე თქმით, თუ ხელისუფლებას ცვლილების მიღება უნდა არაფერი უდგას წინ.
"მაშინ რა უდგას წინ? ითანამშრომლოს თუნდაც მასიურად ოპოზიციასთან. თუ ხელისუფლება გადადგამს ამ ნაბიჯს მაშინ დაანახებს საქართველოს მოსახლეობას, რომ ის მზადაა ითანამშრომლოს ოპოზიციასთან, გაითვალისწინოს ოპოზიციის აზრი და, შესაბამისად, იქამდე მიიყვანოს ქვეყანა და განვითარება, როგორიც მას აქვს დაგეგმილი", - აღნიშნა ვანო მერაბიშვილმა.
საქართველოს პარლამენტში რამდენიმე წუთში საკონსტიტუციო ცვლილებების პირველი მოზმენით განხილვა უნდა დაიწყოს. საპარლამენტო უმცირესობა აცხადებს, რომ ცვლილებებს "ნაციონალური მოძრაობის" იმდენი წევრის მხარდაჭერა ექნება, რამდენიც კოალიცია "ქართულ ოცნებას" კონსტიტუციური უმრავლესობისთვის დასჭირდება.საჭირო ხმების დასადგენად კი, "ნაციონალური მოძრაობა" უმრავლესობას ე.წ სარეიტინგო კენჭისყრას სთავაზობს. ამასთან, უმრავლესობის წევრები აცხადებენ, რომ სარეიტინგო კენჭისყრა არ შედგება.
