,,ნაციონალური მოძრაობა" სარეიტინგო კენჭისყრის ჩატარებასთან დაკავშირებით პოზიციას არ ცვლის_ ამის შესახებ საკანონმდებლო ორგანოში გამართულ საგანგებო პრესკონფერენციაზე ,,ნაციონალური მოძრაობის" წევრმა გიორგი გაბაშვილმა განაცხადა და აღნიშნა, რომ ამ საკითხთან დაკავშირებით პარტიის წევრებს პოზიცია არ შეუცვლიათ.
,,საკონსტიტუციო კენჭისყრამდე ჩვენ გვინდა საბოლოოდ შევაjამოთ პოზიცია და საზოგადოებას გვინდა ნათლად კიდევ ერთხელ განვუცხადოთ: ძვირფასო მეგობრებო, საქმე არ არის იმაში ეს მუხლი, რომელზეც ახლა საუბარია, დარჩება თუ არა კონსტიტუციაში. ეს მუხლი საქართველოს კონსტიტუციაში არ იარსებებს ან დღეიდან, ან ოქტომბრიდან, რადგან ოქტომბრიდან საქართველოს კონსტიტუციაში ისედაც აღარ იქნება. ეს გადაწყვეტილება უკვე მიღებულია და მიღებულია 2010 წელს", -განაცხადა გაბაშვილმა.
გაბაშვილის განცხადებით, იმისთვის, რომ განხორცილდეს საკონსტიტუციო ცვლილებები, აუცილებელია საპარლამენტო უმრავლესობამ რეგლამენტით დადგენილი ნორმა გაითვალისწინოს და ჩაატაროს სარეიტინგო კენჭისყრა.
