,,სარეიტინგო კენჭის ყრა არ შედგება", _განაცხადა ჟურნალისტებთან, საკანონმდებლო ორგანოში, საპარლამენტო უმრავლესობის ლიდერმა დავით საგანელიძემ და აღნიშნა, რომ სარეიტინგო კენჭის ყრის ჩატარების აუცილებლობა რა არსებობს.
,,სარეიტინგო კენჭის ყრა არ შედგება. ამის არანაირი აუცილებლობა არ არის. შესაბამისად, ჩვენ გართობას არ ვაპირებთ პარლამენეტის შენობაში. უმცირესობას აქვს, როგორც გუშინ იყო საუბარი 53 ხმა. შესაბამისად მათ უნდა გადაწყვიტოს ყველამ, ან მათმა ნაწილმა უნდა მიიღონ გადაწყვეტილება", -განაცხადა ჟურნალისტებთან დავით საგანელიძემ და აღნიშნა, რომ საპარლამენტო უმცირესობის მხარდაჭერის გარეშე საკონსტიტუციო ცვლილებები ვერ განხორციელება.
შეგახსენებთ, რომ საპარლამენტო ოპოზიცია საკონსტიტუციო ცვლილებებს მხარს უჭერს, თუმცა იქამდე სარეიტინგო კენჭის ყრის ჩატარებას ითხოვს. როგორც ,ჯი-ეიჩ-ენთან" საუბარში პარლამენტის წესებისა და საპროცედურო საკითხთა კომიტეტის თავმჯდომარემ ირინა იმერლიშვილმა ,,ნაციონალური მოძრაობის' ინიციატივის კომენტირებისას განაცხადა სარეიტინგო კენჭისყრის საკითხს დაყენების საკითხს პარლამენტის თავმჯდომარე წყვეტს.
იმერელიშვილის განცხადებით, სარეიტინგო კენჭისყრის დაყენების საკითხი პარლამენტის თავმჯდომარის უფლებაა და არა ვალდებულება.
"ნაციონალურ მოძრაობას" სარეიტინგო კენჭისყრის საკითხს დაყენების უფლება ჰქონდა. თუმცა პარლამენტის რეგლამენტში ასეთი ჩანაწერია, რომ საჭიროების შემთხვევაში პარლამენტის თავმჯდომარე აყენებს სარეიტინგო კენჭისყრის საკითხს. ეს არის პარლამენტის თავმჯდომარის უფლებაა და არა ვალდებულება. უმრავლესობაში ამ საკითხზე გადაწყვეტილება არ მიგვიღია", _ განაცხადა ,,ჯი-ეიჩ-ენთან" საუბარში ირინა იმერლიშვილმა.