,,რუსეთთან სავაჭრო ურთიერთობის აღდგენის კუთხით დაწყებულმა მოლაპარაკებებმა შეამცირა შესაძლებლობა საბრძოლო მოქმედებების განახლების", _ განაცხადა თავდაცვის მინისტრმა ირაკლი ალასანიამ თავდაცვისა და უშიშროების კომიტეტის წევრებთან შეხვედრისას და აღნიშნა, რომ საქართველო უნდა იყოს მუდმივ საბრძოლო მზადყოფნაში.
,, ბოლო ერთი წლის განმავლობაში საქართველოს მტრის რუსეთის მიერ ოკუპირებულ ტერიტორიებზე ჩვენი სადაზვერვო თანამეგობრობის მონაცემებით, პრაქტიკულად, ვითარება არ შეცვლილა. მე ვიტყოდი, რომ მძიმდება იმით, რომ ბოლო ერთი წლის განმავლობაში კიდევ დამატებითი საპორთიფიკაციო და საიერიშო ნაგებობები და ბაზები ჩნდება, როგორც აფხაზეთის ისე ცხინვალის რეგიონში. აქედან გამომდინარე ჩვენი მთელი დოქტრინა თავდაცვის და ანალიზის საფრთხეების მიანიშნებს იმაზე, რომ საქართველო უნდა იყოს მუდმივ საბრძოლო მზადყოფნაში. აქვე აღვნიშნავ იმას, რომ ბოლო პერიოდში დაწყებულმა მოლაპარაკებებმა სავაჭრო ურთიერთობის აღდგენის კუთხით შეამცირა პოტენციური შესაძლებლობა საბრძოლო მოქმედებების განახლების. აქედან გამომდინარე თავდაცვის უწყებას არ აქვს არანაირი საფუძველი თუ არა მუდმივ მზადყოფნაში ჰყავდეს შეიარაღებული ძალები. აქედან გამომდინარე ჩვენი მთავარი ამოცანაა, როგორც სტრუქტურული რეფორმების განხორციელება, სამოქალაქო ზედამხედველობისა და კონტროლის განხორციელება, ასევე პირველ რიგში, არის ის რომ მუდმივ მზადყოფნაში გვყავდეს ჩვენი შეიარაღებული ძალები", -განაცხადა ალასიანიამ.
