უკრაინული მხარის თხოვნით, საქართველოს საგარეო საქმეთა მინისტრის მოადგილემ დავით ჯალაღანიამ მიიღო საქართველოში უკრაინის საგანგებო და სრულუფლებიანი ელჩი ვასილი ციბენკო.
საგარეო საქმეთა სამინისტროს ინფორმაციით, შეხვედრის ფარგლებში მხარეებმა ისაუბრეს საქართველოსა და უკრაინას შორის ორმხრივი და მრავალმხრივი ურთიერთობების აქტუალურ თემებზე, ასევე განიხილეს უახლოეს მომავალში დაგეგმილი მაღალი დონის ვიზიტებთან დაკავშირებული საკითხები.
მხარეებმა დაადასტურეს თანამშრომლობის შემდგომი გაღრმავების სურვილი.
