,,ნაციონალურ მოძრაობას" შუალედურ არჩევნებში, სამივე ოლქში საკუთარი კანდიდატები ეყოლება, -ამის შესახებ ჟურნალისტებთან ,,ნაციონალური მოძრაობის" გენერალურმა მდივანმა ივანე მერაბიშვილმა განაცხადა და აღნიშნა, რომ კანდიდატების ვინაობა რამდენიმე დღეში გახდება ცნობილი.
მერაბიშვილის განცხადებით, "ნაცმოძრაობის" მთავარი სლოგანი იქნება დასაქმება და ამ საკითხთან დაკავშირებით, პარტია უახლოეს მომავალში საზოგადოებას საკუთარ კონცეფციას წარუდგენს.
,,დღეს საქართველოს მთავარი პრობლემა ეს არის დასაქმება და ჩვენი მთავარი მუშაობის საგანი იქნება დასაქმება. უახლოეს დღეებში ჩვენ გამოვაქვეყნებთ კონცეფციას დასაქმების შესახებ და ჩვენ გვინდა ეს კონცეფცია საქართველოს მთავრობასთან ერთად განხორციელდეს", _განაცხადა მერაბიშვილმა.
მასალის გამოყენების პირობები
