ფინანსთა მინისიტრმა ნოდარ ხადურმა მთავრობის სხდომის დაწყებამდე ჟურნალისტებთან მინისტრთა კაბინეტის წევრებისთვის შემცირებულ ხელფასებზე ისაუბრა და აღნიშნა, რომ წინა ხელისუფლების დროს მინისტრები თვეში საშუალოდ 16 000-ლარს იღებდნენ ხელფასს.
,,საპარლამენეტო უმცირესობის წევრებმა ალბათ იციან, რომ მათი მინისტრები თვეში საშუალოდ 16 000-ლარს იღებდნენ ხელფასს_ მშვენიერია. იყო თვეები, როდესაც 27 000-ლარი ჰქონდათ პრემია აღებული კონკრეტულ მინისტრებს. საშუალო ხელფასი დაახლოებით იყო 10-12 000-ლარის მოცულობით მინიმუმ. დღეს არის შემცირებული და იმედია, ციფრების შედარება შეუძლიათ", -განაცხადა ნოდარ ხადურმა.
შეგახსენებთ, რომ საქართველოს მთავრობის წევრთა ხელფასი 12%-ით მცირდება. პრემიერ-მინისტრის გადაწყვეტილებით, მინისტრების ხელფასებისთვის, გასულ წლებთან შედარებით, ბიუჯეტიდან გაცილებით ნაკლები თანხა დაიხარჯება და ეს ინფორმაცია საზოგადოებისთვის აბსოლუტურად გამჭვირვალეა.
მთავრობა უარს ამბობს ყოფილი ხელისუფლების მიერ დამკვიდრებულ პრაქტიკაზე, როდესაც მინისტრები ყოველ თვეში, ან თვეში რამდენჯერმე, თვითონვე იწერდნენ პრემიებს. მინისტრები, ყოველთვიურად, ყოველგვარი სახელფასო დანამატით, ხელზე აიღებენ 6300 ლარს. პრემია კი, პრემიერ-მინისტრის გადაწყვეტილებით, წელიწადში ერთხელ გაიცემა.
