პარლამენტის ადამიანის უფლებათა დაცვის კომიტეტში დღეს საზოგადოებრივი მაუწყებლის შესახებ კანონპროექტს განიხილავენ.
კანონპროექტის მიხედვით, იცვლება ბორდის დაკომპლექტების წესი. ამ თემასთან დაკავშირებით კომენტარს უმცირესობის წევრი დავით დარჩიაშვილი აკეთებს. მისი თქმით, ეს კანონი ძალიან ჰგავს კანონს სასამართლოების შესახებ. მისი განცხადებით, საზოგადოებრივი მაუწყებლის ბორდი არ მოსწონს ახალ პოლიტიკურ ელიტას და მისი შეცვლა სურს.
უმრავლესობაში აცხადებენ, რომ ეს ინიციატივა ძალიან საინტერესოა და უპირველეს ყოვლისა, იგი საზოგადოებრივ მაუწყებელს ემსახურება. ბესელიას განცხადებით, ამ ინიციატივის თანახმად, საზოგადოებრივი მაუწყებელი აბსოლუტურ დამოუკიდებლობას მიიღებს, რაც მაუწყებელს წინსვლაში დაეხმარება.