,,ჩვენ არ უნდა დავხუროთ კარი მეზობლებთან მიუხედავად იმისა, რას ვფიქრობთ მასზე", _განაცხადა პარლამენტის თავმჯდომარემ დავით უსუფაშვილმა კარნეგის ცენტრში სიტყვით გამოსვლისა და აღნიშნა, რომ საქართველოს ახალი მთავრობის პრიორიტეტი საქართველოს ევროატლანტიკურ სტრუქტურებში ინტეგრაციაა.
,,ხაზგასმით ვაცხადებთ, რომ არ შეგვიძლია ვიყოთ გაერთიანებული რომელიმე ორგანიზაციაში იმ ქვეყანასთან რომელსაც ჩვენი ტერიტორიები აქვს ოკუპირებული და სცნობს მათ დამოუკიდებლობას. ეს ქართველი ხალხის მტკიცე გადაწყვეტილებაა. პარლამენეტის უმრავლესობა და უმცირესობა თანხმდება, რომ ჩვენ ამ ხაზს ვერ გადავაბიჯებთ. ახალი მთავრობის ინიციატივაა, რომ გამოვნახოთ ის დარჩენილი გზები რომლითაც მოხერხდება რუსეთთან ურთიერთობის ნორმალიზაცია. ვგულისხმობ, ვაჭრობას, კულტურას, სპორტს. განვაცხადეთ, რომ საქართველო მიიღებს მონაწილეობას სოჭის ოლიმპიადაზე. ჩვენი სპორტსმენებისთვის ძალიან რთული იქნება აფხაზეთის საზღვრიდან 10 კილომეტრში ყოფნა, მაგრამ ეს უნდა გავაკეთოთ. ჩვენ არ უნდა დავხუროთ კარი მეზობლებთან მიუხედავად იმისა, რას ვფიქრობთ მასზე", -განაცხადა დავით უსუფაშვილმა.