საპარლამენტო უმცირესობის წევრი სერგო რატიანი ევროპასთნ დაკავშირებით ხელისუფლების წევრების ბოლოდროინდელი განცხადებებით გაკვირვებულია. როგორც მან "პრაიმ-ტაიმის" პრესკლუბში განაცხადა, ევროპა გეოგრაფიული ადგილი არ არის, საითკენაც მივდივართ.
მისი თქმით, ევროპა ღირებულებების სისტემაა, რომელიც საქართველოსთვისაც ახლოა.
"გაკვირვებული ვარ ბოლო დროს ხელისუფლების, პარლამენტის თავმჯდომარის და პრემიერის განცხადებებით. გზა არის ის, რომ ჩვენ ან ვუერთდებით ევროპას ან არ ვუერთდებით. თუ ნებისმიერი ნიშანბი გვაბრუნებს იმ სივრცეში, რომელიც არის რუსეთი, მაშინ ჩვენც მიგვაქანებენ წარსულში", - განაცხადა რატიანმა.
მისი თქმით, "ევროპის სახალხო პარტიიდან" როგორც ჩანს წერილი არ მოვა, რადგან შეიძლება ვიღაცამ ჩათვალოს, რომ პრეტენზიები გადაჭარბებულია.
რატიანის შეფასებით, დღეს ევროპას ასეთი ტონით არავინ ელაპარაკება.
"ეს არის მაამებლური განცხადება, რომელიც რუსეთს ეამება. დღეს პრობლემა ერთია. პრობლემა აქვთ სტუდენტებს და მათ უნდა დავეხმაროთ, ამიტომ ეს უნდა იყოს განსჯის საგანი", - აღნიშნა სერგო რატიანმა.
ევროპარლამენტის 23 წევრმა პრემიერ-მინისტრ ბიძინა ივანიშვილს ღია წერილით „ნუ დაანგრევთ საქართველოს ევროპულ ოცნებას" მიმართეს. თავად პრემიერმა გუშინ განაცხადა, რომ "ევროპის სახალხო პარტიის" საპასუხოდ და ფართო წერილს ამზადებს.
