,,ნაციონალური მოძრაობა" შს მინისტრს რვა თებერვალს საჯარო ბიბლიოთეკასთან მომხდარ ინციდენტთან დაკავშირებით პარლამენტში ფრაქცია ,,ნაციონალური მოძრაობის" სხდომაზე იბარებს.
,,ჯერ კიდევ თებერვლის თვეში გაიგზავნა შს მინისტრის სახელზე მოთხოვნა საპარლამენტო ოპოზიციის ფრაქციის სხდომაზე მოწვევის შესახებ და ძირითადი საკითხები რვა თებერვალს განვითარებულ პროცესებს უკავშირდებოდა", -განაცხადა ჟურნალისტებთან ლევან ბეჟაშვილმა და აღნიშნა, რომ ირაკლი ღარიბაშვილთან შეხვედრა რამდენჯერმე გადაიდო, ამიტომ ,,ნაციონალური მოძრაობა" დახმარებას პარლამენტის თავმჯდომარეს სთხოვს.
თუმცა საპარლამენტო უმრავლესობის წარმომადგენლები განმარატავენ, რომ შს მინისტრის ფრაქცია ,,ნაციონალური მოძრაობის" სხდომაზე აუცილებლად მივა, მაგრამ ირაკლი ღარიბაშვილის საკანონმდებლო ორგანოში მისვლის თარიღს ვერ აკონკრეტებენ და აღნიშნავენ, რომ ამ მიზნით შეთანხმება ორივე მხარეს შორის უნდა შედგეს.
