პარლამენტის თავმჯდომარე უმცირესობას ინტერფრაქციულ დოკუმენტთან დაკავშირებით გადაწყვეტილების მიღებას სთხოვს.
დავით უსუფაშვილის თქმით, იმ შემთხვევაში, თუ დღეს სასესიო დღის შესვენებამდე უმცირესობა არ გამოთქვამს სურვილს, ამ დოკუმენტის მიღებასთან დაკავშირებით, მაშინ პარლამენტი მას რეზოლუციის სახით მიიღებს.
დავით უსუფაშვილის თქმით, არაერთი შეთავაზების მიუხედავად, უმცირესობას საბოლოო პოზიცია არ დაუფიქსირებია.
"ნაციონალური მოძრაობის" წევრები კი აცხადებენ, რომ მათ დოკუმენტი გვიან მიიღეს, თუმცა პოზიცია უკვე ჩამოყალიბებული აქვთ.
უმცირესობა ამბობს, რომ ამ დოკუმენტში არ არის მკაფიოდ ხაზგასმული, რომ საქართველო არასდროს გახდება დსთ-სა და სხვა მსგავსი ორგანიზაციების წევრი.
