საუდის არაბეთის პრინცი Forbes-ის მიერ შედგენილი რეიტინგით უკმაყოფილია. უცხოური მედიის ინფორმაციით, საუდის არაბეთის პრინცი ალ-ვალიდ ბინ ლალილმა ღიად განაცხადა, რომ Forbes-ის მიერ გამოქვეყნებულ რეიტინგში მისი ქონება არასწორადაა შეფასებული. მსოფლიოს უმდიდრეს ადამიანთა რეიტინგში 57 წლის პრინცი 26-ე ადგილზეა და მისი ქონება 20 მლრდ დოლარადაა შეფასებული. თავად პრინცი კი მიიჩნევს, რომ ის 29,6 მლრდ დოლარის ღირებულების ქონების მფლობელია. შესაბამისად ირკვევა, რომ პრინცის მიერ დასახელებული ქონების მიხედვით ის რეიტინგის პირველ ათეულში უნდა მოხვედრილიყო. გავრცელებული ინფორმაციით, საუდის არაბეთის პრინცმა Forbes ოფიციალურად მოსთხოვა, მისი კანდიდატურა რეიტინგიდან საერთოდ იყოს ამოღებული. პრინცმა გამოცემა არასწორი მეთოდით მდიდართა ქონების შეფასებაშიც დაადანაშაულა და აღნიშნა, რომ ჟურნალი ახლო აღმოსავლეთელ ინვესტორების დისკრიმინაციას ახდენს.