საკანონმდებლო ორგანოში კოალიცია ,,ქართული ოცნების"' დეპუტატის გუბაზ სანიკიძის ინიციატივით ახალი ფრაქცია ,,ქართული ოცნება-ფორუმი" შეიქმნება. ამის შესახებ, პარლამენტში ბიუროს სხდომის დაწყებამდე გახდა ცნობილი.
ფრაქციაში გაწევრიანდება ექვსი დეპუტატი და მას გორის მაჟორიტარი სოსო ვახტანგაშვილი უხელმძღვანელებს.
,,საპროცედურო საკითხთა კომიტეტში სარეგისტრაციოდ შემოვიდა ახალი ფრაქცია ,,ქართული ოცნება-ფორუმი", რომელშიც გაწევრიანდა ,,ეროვნული ფორუმის" ექვსი დეპუტატი. ფრაქციის შექმნის შესაძლებლობა მათ თავიდანვე ჰქონდათ, თუმცა ეს გადაწყვეტილება არ მიუღიათ", _განაცხადა პარლამენტის საპროცედურო საკითხთა კომიტეტის თავმჯდომარემ ირინა იმერლიშვილმა.
შეგახსენებთ, რომ საკანონმდებლო ორგანოში საპარლამენტო უმრავლესობა ამ დრომდე ოთხი ფრაქციით იყო წარმოდგენილი, კერძოდ ფრაქცია ,,ქართული ოცნება" , ,,ქართული ოცნება-თავისუფალი დემოკრატები", ,,ქართული ოცნება-კონსერვატორები" და ,,ქართული ოცნება_რესპუბლიკელები ".