პრემიერ-მინისტრი ბიძინა ივანიშვილი უზენაეს სასამართლოს თავმჯდომარეს კოტე კუბლაშვილს შეხვდება. ამის შესახებ, ივანიშვილმა ,,იმედისთვის"' მიცემულ ინტერვიუში განაცხადა და აღნიშნა, რომ სასამართლოს სისტემაში ცვლილებები იგეგმება.
,,ვაპირებ კოტე კუბლაშვილთან შეხვედრას და მის ოფისში მისვლას. სასამართლოს პატივი უნდა ვცეთ. რვა მარტს ვენეციის კომისიის დასკვნა უნდა გამოქვეყნდეს და იგეგმება გარკვეული რეფორმის გატარება სასამართლოში. ცვლილებები მოხდება სასამართლო სისტემაში, მაგრამ ეს ვერ იქნება ისეთი სწრაფად და არც უნდა იყოს, როგორც განხორცილდება ცვლილებები პოლიციასა და პროკურატურაში", -განაცხადა ივანიშვილმა.
მხარეებს შორის შეხვედრა 15:00 საათზე გაიმართება, რის შემდეგაც მედიის წარმომადგენლებისთვის კომენტარები გაკეთდება.