იუსტიციის მინისტრმა თეა წულუკიანმა საზოგადოებრივ მაუწყებელზე გადაცემა "აქცენტებში" აშშ-ში საქართველოს ყოფილი ელჩი თემურ იაკობაშვილი ანტისახელმწიფოებრივ ქმედებაში დაადანაშაულა. მისი თქმით, ყოფილი ელჩი ქვეყნის ახალი ხელისუფლების შესახებ ამერიკის არასამთავრობო ორგანიზაციებისა და კონგრესის ცრუ ინფორმაციას აწვდიდა.
"ცრუ ინფორმაციები იყო გავრცელებული არასამთავრობო სექტორში და კონგრესში, ამას ალბათ მოემსახურა აწ უკვე ყოფილი ელჩი, თუმცა თავად ის ამას უარყოფს. ვისი ქმედებაც არ უნდა ყოფილიყო, ეს არის ანტისახელმწიფოებრივი ქმედება", - აღნიშნა წულუკიანმა და აღნიშნა, რომ აშშ-ში არასამთავრობო სექტორსა და კონგრესს მიეწოდებოდა ინფორმაცია, რომ თითქოს საქართველოს ახალი ხელისუფლება ქვეყანასუკან ექაჩება და უარს ამბობს დასავლურ ორიენტაციაზე.