საქართველოს პრეზიდენტი სახელმწიფო კანცელარიაში პრემიერ-მინისტრს ბიძინა ივანიშვილს ხვდება. შეხვედრა, რომელიც კანცელარიაში მე-11 სართულზე მიმდინარეობს მედიისთვის დახურულია და მას მხოლოდ პრეზიდენტისა და პრემიერის ვიდეო-კამერები გადაიღებენ.
შეხვედრის დასრულების შემდეგ მიხეილ სააკაშვილი და ბიძინა ივანიშვილის მედიისთვის კომენტარს ცალ-ცალკე გააკეთებენ.
პრეზიდენტი ჟურნალისტებს კანცელარიის პირველ სართულზე, ხოლო ბიძინა ივანიშვილი მე-12 სართულზე შეხვდება.
შეგახსენებთ, რომ 1-ლი ოქტომბრის შემდეგ პრეზიდენტი და პრემიერი მესამედ შეხვდებიან ერთმანეთს. პირველი შეხვედრა საქართველოს პრეზიდენტის რეზიდენციაში 2012 წლის 9 ნოემბერს გაიმართა. მეორედ პრეზიდენტი და პრემიერი ერთმანეთს არაოფიციალურად საქართველოს საპატრიაქოში ილია მეორეს იუბულეს ფარგლებში შეხვდნენ.
პრეზიდენტისა და პრემიერის შეხვედრა ქვეყანაში არსებულ პოლიტიკურ ვითარებას და მოსალოდნელ საკონსტიტუციო ცვლილებებს უკავშირდება.
მასალის გამოყენების პირობები
