უზანაესი სასამართლოს თავმჯდომარის მიმართ იმპიჩმენტის პროცედურის დასაწყებად დანაშაულზე წასწრება საჭირო არ არის - ამის შესახებ განცხადება უმრავლესობის ერთ-ერთმა ლიდერმა ვახტანგ ხმალაძემ "პრაიმტაიმის" პრესკლუბში დღევანდელ პრესკონფერენციაზე გააკეთა.
"კონსტიტუციაში ასევე განმარტებულია იმპიჩმენტის საკითხის დაყენების საფუძვლები. ეს საფუძვლები შეიძლება, იყოს, აღნიშნული თანამდებობის პირის მიერ კონსტიტუციის დარღვევა, ან მის ქმედებებში დანაშაულის ნიშნების არსებობა. თუ პარლამენტის წევრთა 1/3 მიიჩნევს, რომ ამ თანამდებობის პირმა კონსტიტუცია დაარღვია, ან მის ქმედებებში დანაშაულის ნიშნები შეიმჩნევა, უნდა დაასაბუთოს, ხელი მოაწეროს და პარლამენტში შეიტანოს მოთხოვნა იმპიჩმეტის პროცედურის დაწყებაზე. შემდეგ ეს მოთხოვნა უნდა გადაეგზავნოს საკონსტიტუციო ან უზენაეს სასამართლოს იმის მიხედვით, თუ რა ქმედებაზეა საუბარო, ან ორივეს ერთად. ამის შემდეგ სასამართლომ უნდა იმსჯელოს ამ საკითხზე და დაწეროს დასკვა, თუ ერთ-ერთმა მაინც დაადასტურა, რომ კონკრეტულმა თანამდებობის პირმა დააღვია კონსტიტუცია, ან ჩაიდინა დანაშაული, პროცესი პარლამენტში გაგრძელდება, დაინიშნება სხდომა, სადაც აღნიშნული საკითხის განხილვა მოხდება, შემდეგ პარლამენტი ამ პირის თანამდებობიდან გადაყენების საკითხს კენჭისყრაზე დააყენებს. პრეზიდენტის შემთხვევაში მის თანამდებობიდან გადაყენებას 100 ხმა სჭირდება, სხვა შემთხვევაში 76 ხმა. ამდენად დანაშაულზე წასწრება აუცილებელი არ არის", - აცხადებს ხმალაძე.