"ქართულ-აფხაზური და ოსური ევროპული საერთაშორისო მოძრაობის" პრეზიდენტმა ნესტან კირთაძემ დღეს მედიის წინაშე ახალი საკონსტიტუციო ინიციატივები გააჟღერა და ღიად მიმართა საქართველოს პრემიერ-მინისტრს, და მმართველი კოალიციის ლიდერს, ბიძინა ივანიშვილს; საქართველოს პარლამენტის თავმჯდომარეს, დავით უსუფაშვილს ისევე, როგორც -უმცირესობის პოლიტიკურ ლიდერს- პრეზიდენტ სააკაშვილს და საქართველოს პარლამენტის პოლიტიკურ უმცირესობას ახალი საკონსტიტუციო ინიციატივის შესახებ.
"ქართულ-აფხაზურ და ოსური ევროპულ საერთაშორისო მოძრაობას" მიაჩნია, რომ მიმდინარე კონსტიტუციურმა პროცესმა გვერდი არ უნდა აუაროს ჩვენი ნათესავი ხალხების - აფხაზებისა და ცხინვალის ოსების ინტერესების დაცვას და მათთვის მყარი გარანტიების შექმნას.
"პოლიტიკური სტატუსის ტერიტორიული მთლიანობის და ყველა მასთან დაკავშირებული ურთულესი პრობლემები თანამედროვე ეტაპზე არის პრაქტიკულად შეუძლებელი, ახალი დაძაბულობისა და წინააღმდეგობის გამომწვევი. ქართული სახლემწიფოებრიობის მთლიანობის საკითხმა, სამწუხაროდ, შორეულ დროში გადაიწია, რომელსაც ყოვლედღიური შრომა, მოქნილი დიპლომატია და ისტორიული შანსიც სჭიდება" - აღნიშნა ნესტან კირთაძემ პრესკონფერენციაზე
მისი თქმით, მიმდინარე კონსტიტუციურმა პროცესმა გვერდი არ უნდა აუაოს ჩვენი ნათესავი ხალხების ინტერესებს და მათთვის მყარი გარანტიების შექმნას.
"უწინარეს ყოვლისა ვგულისხმობთ ქვეყნის ძირითადი კანონის დონეზე, კონსტიტუციურ დონეზე განისაზღვროს მუდმივი მშვიდობის დეკლარაცია.
მშვიდობა გვჭირდება ჩვენ, მშვიდობა სჭირდებათ აფხაზებსა და ოსებს, მშვიდობა სჭირდება მთელს რეგიონს. "სად შეიძლება განისაზღვროს ეს დეფინიცია?!
კონსტიტუციის პრეამბულაში უნდა გაჩნდეს ახალი აბზაცი, რომლიც დააფიქსირებს როგორც ქართული სახლემწიფოს თანამედროვე ტრაგიკულ რეალობას, აგრეთვე გააჩენს ახალ დეფინიციას მუდმივი მშვიდობისა და საქართველოს ტერიტორიულ-სახლემწიფოებრივი მთლიანობის აღდგენის მხოლოდ მშვიოდბიან, პოლიტიკურ-სამართლებრივ გზას საერთაშორისო თანამეგორბობასთან ერთად", - აცხადებს კირთაძე.
მისივე თქმით, ეს იქნება კონსტიტუციურ დონეზე გაცხადებული მუდმივი მშვიდობის დეკლარაცია, რომელიც სჭირდება საქართველოს და მთელს რეგიონს, ეს იქნება მშივდობიანი გზის ერთადერთობის აღიარება და გარანტია, რომელსაც აფხაზები და ოსები ითხოვენ.
პრესკონფერებციაზე ნესტან კირტაძემ აგრეთვე, მეორე ახალი ინიციატივა გააჟღერა და აღნიშნა, რომ საქართველოს კონსტიტუცია, როგორც ქვეყნის ძირითადი კანონი და მასში შემავალი ცვლილებები და დამატებები უნდა განხორციელდეს ფართო კონსენსუსის გზით, რომელსაც ლეგიტიმაციის მაღალი ხარისხი და მოსახლეობის ფართომასშტაბიანი მხარდაჭერა ექნება.
"გამოვიდვართ ინიციატივით და მივმართავ კონსტიტუციური პროცესის ლიდერებს, რომ საკონსტიტუციო პროცესის შემუშავებაში გზა გაუხსნან სამოქალაქო საზოგადოების წარმომადგენლებს, პროფესიონალებს, ექსპერტებს, რათა ახალი ცვლილებები მიღებული იქნას ფართო კონსენსუსის გზით", - აცხადებს კირთაძე.
ნესტან კირთაძე, აცხადბს, რომ მას, როგორც 1995 წლის 25 აგვისტოს კონსტიტუციის შემუშავებისა და მიღების ერთ-ერთი აქტიურ პოლიტიკოსს გააჩნია მზადყოფნა აქტიური მონაწილეობა მიიღოს კონსტიტუციურ პროცესში.
