,,ჩემი იმპიჩმენტის საკითხის დაყენება უსაფუვძლოა", -განაცხადა ჟურნალისტებთან უზენაესი სასამართლოს თავმჯდომარემ კოტე კუბლაშვილი ეკა ბესელიას განცხადების საპასუხოდ, რომელსაც უსაფუძვლოს უწოდებს.
,,ასეთი განცხადებები ნამდვილად უსაფუძვლოა. პოლიტიკოსს უფლება აქვს უსაფუძვლო განცხადებები გააკეთოს, მაგრამ ამის უფლება მე არ მაქვს", -განაცხადა ჟურნალისტებთან კუბლაშვილმა და აღნიშნა, რომ მისი პასუხისმგებლობის საკითხი ვერანაირად ვერ დადგება.
"კონსტიტუციით გათვალისწინებულია, რომ იმპიჩმენტის საკითხი რომ დადგეს, ერთ-ერთი საკითხი არის დანაშაულზე წასწრება. ასეთი რამ არ ყოფილა. მე მიმაჩნია, რომ საერთოდ იმპიჩმენტზე საუბარი თუ დაიწყო, ეს იქნება ყოვლად უსაფუძვლო მსჯელობა, რადგან იმპიჩმენტის არანაირი საფუძველი არ არსებობს",-აღნიშნა კოტე კუბლაშვილმა.
შეგახსენებთ, რომ ეკა ბესელია არ გამორიცხავს, რომ უზენაესი სასამართლოს თავმჯდომარისა და იუსტიციის საბჭოს წევრების პასუხისმგებლობა დადგეს. როგორც პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე განმარტავს ეს იმ შემთხვევაში მოხდება თუ გამოძიებით დადგინდება, რომ მოსამართლეების ბესარიონ ალავიძესა და მაია გიგაურს თანამდებობა არაკანონიერად ეკავათ.
,,პროკურატურა თუ დაადგენს, რომ იუსტიციის საბჭოს წევრები მათ შორს ბატონი კუბლაშვილი უკანონო გადაწყევტილების მიღებაში მონაწილეობდნენ მიმაჩნია, რომ კოტე კუბლაშვილის პასუხისმგებლობის საკითხი უნდა დადგეს", -განაცხადა ჟურნალისტებთან ბესელია,