2013 წლის ოქტომბერში დაგეგმილ საქართველოს საპრეზიდენტო არჩევნებზე დამკვირვებლების გამოგზავნის მიზნით, საქართველოს საგარეო საქმეთა სამინისტრომ ოფიციალური მოსაწვევები გაუგზავნა ეუთო-ს დემოკრატიული ინსტიტუტებისა და ადამიანის უფლებათა ოფისსა (ODIHR) და ეუთო-ს საპარლამენტო ასამბლეას.
აღნიშნულ წერილებში საგარეო საქმეთა სამინისტრომ გამოხატა ქართული მხარის სურვილი, რომ საერთაშორისო დამკვირვებლები საქართველოში ჩამოვიდნენ იმ ვადებში, რომელიც აუცილებელი იქნება საარჩევნო პროცესებზე სრულყოფილი დაკვირვებისათვის.
ODIHR-ისა და ეუთო-ს საპარლამენტო ასამბლეისადმი გაგზავნილ მოსაწვევებში ხაზგასმულია მაქსიმალურად გამჭვირვალე, თავისუფალი და სამართლიანი არჩევნების ჩატარების მნიშვნელობა და დადასტურებულია ქართული მხარის მზადყოფნა, ყოველგვარი მხარდაჭერა აღმოუჩინოს საერთაშორისო დამკვირვებლებს მათი საქმიანობის ეფექტიანად განხორციელებაში.
მასალის გამოყენების პირობები
