ჩემი მარგინალიზება სააკაშვილს არ გამოუვა, რადგან თვითონაა უკვე მარგინალიზებული, - განაცხადა "ჯი-ეიჩ-ენთან" საუბარში უშიშროების ყოფილმა მინისტრა ვალერი ხაბურძანიამ, რომელიც ამჟამად რუსეთში იმყოფება და საქართველოში დაბრუნების შემდეგ პოროსუსული ძალების კონსოლიდაციას გეგმავს. მისი თქმით, სააკაშვილი ადამიანების ემოციებზე კვლავ უსინდისოდ თამაშობს.
"მე ჯერ არ ჩამოვსულვარ და რომ ჩამოვალ, ამით ჩემ სამშობლოს უსაფრთხოებას მისხალი პრობლემა არ შეექმნება. ვფიქრობ, ამ მდგომარეობაში მყოფი პრეზიდენტი უკვე ეროვნული უსაფრთხოების პრობლემაა", - განაცხადა ხაბურძანიამ.
შეგახსენებთ, რომ საქართველოს პრეზიდენტმა მიხეილ სააკაშვილმა გუშინ ჟურნალისტებთან გამართულ შეხვედრაზე ვალერი ხაბურძანია რამდენჯერმე ახსენა.