საქართველოს პრეზიდენტის მიხეილ სააკაშვილის განცხადებების გამო იმის შესახებ, რომ რუსი ექსპერტების ყოფნა საქართველოში არასასურველია "როსპოტრენადზორის" ინსპექცია შესაძლოა უკან გაიწვიონ. ინფორმაციას ამის შესახებ რუსული მედია ავრცელებს.
"თუ სიტუაცია ნორმალიზაციისკენ არ წავა, ჩვენ დავაყენებთ საკითხს ექსპერტების გამოწვევისა და საქართველოს ტერიტორიაზე მათი მუშაობის შეწყვეტის შესახებ", _ აცხადებს რუსეთის მთავარი სანიტარი გენადი ონიშენკო და აგრძელებს: "თუ რუსი სპეციალისტების შეურაცხყოფა და სხვა მოქმედებები არ შეწყდება, რომლებიც ნორმალურ მუშაობას უშლიან ხელს, მაშინ ჩვენი სპეციალისტების ვადაზე ადრე დაბრუნების საკითხი ღიად რჩება.
ამას გარდა, გენადი ონიშენკოს განცხადებით, "კომენტარები, რომლებიც საქართველოს უმაღლესი პირის მიერ იქნა გაკეთებული და რომლის სტატუსიც ეჭქვეშ დგას, ადასტურებს იმ საფრთხეებს, რომელთა გამოც, რუსული მხარე ექსპერტების ჩასვლამდე ითხოვდა უსაფრთხოების გარანტიებს და ექსპერტებისათვის სამუშაო პირობების შექმნას".
"ყველაფერი კარგად იქნებოდა, იმ თავსებურებების სამედიცინო ახსნის იმ ჩარჩოებში, რომ ჯდებოდეს, რომლებიც გაზაფხულის დადგომას ახლავს თან კავკასიაში", _ განაცხადა ონიშენკომ.
მასალის გამოყენების პირობები