,,ევროპარლამენტში უპრეცედენტო ამბავი მოხდა, როდესაც ოპოზიციონერი კოლეგების შეთავაზებები, რომელიც ტყუილი იყო, არ გავიდა", _წერს ,,ფეისბუკის" გვერდზე კოალიცია ,,ქართული ოცნების" წევრი თინა ხიდაშელი მიხეილ სააკაშვილის განცხადების საპასუხოდ.
,,ყველა მინდა მინდა დაგამშვიდოთ არაფერი ხდება, გარდა იმისა რომ სააკაშვილს დავესესხები უპრეცედენტო ამბავი მოხდა, როდესაც ჩვენი ოპოზიციონერი კოლეგების შეთავაზებები, რომელიც ფაქტებიდან გამომოდინარე უბრალოდ ტყუილი იყო, არ გავიდა. სულ ეს არის. მაგალითად, ბატონი კანდელაკი ითხოვდა რომ ევროპის კავშირის დეპუტატებს და ჩვენ ერთხმად გვეთქვა რომ პარლამენტის წევრებზე მიდინარეობს ზეწოლა როგორც აღიარებული და ნამდვილი ფაქტი და ეს დაგვეგმო, ჩვენ ავუხსენით ყველას ვისაც კითხვები ქონდა რომ ეს არ არის სიმართლე და იგივე მოსაზრება ქონდათ ასევე, მერე პარტიულ მიკერძოებაში რომ არ დამდონ ბრალი, მაგალითად მწვანეებს. ასეთები კიდევ ბევრი იყო, და არ გავიდა. არ გავიდა იმიტომ რომ დამთავრდა ის დრო როდესაც ცალკარში მიდიოდა თამაში, და როგორც ჩვენმა ბულგარელმა კოლეგამ თქვა სხდომაზე, ის ადრე საქართველოზე მომხსენებელი იყო და კარგად იცის აქაურობა, სრულიად უპრეცედენტო ამბავია ადრე ოპოზიცია არ მახსენდება ამ დარბაზში ყოფილიყოსო. ეს კარგი მაგალითია იმის რა შეიცვალა საქართველოშიც და მის გარეთაც და შესაბამისად, რა თქმა უნდა ბოლომდე შევეცდებით ჩვენი სიმართლის მიტანას ყველა დონეზე, ყველა ინსტიტუტთან და საბოლოოდ ყველაფერი გამოსწორდება. ამასობაში, საკმაოდ ბევრი შეხვედრა გვქონდა და სრულიად დარწმუნებით მინდა გითხრათ რომ წინსვლისათვის გზა ღიაა და მთავარია ჩვენ სისტემურად და მშვიდად გავაკეთოთ ჩვენი საქმე და ყველაფერი კარგად იქნება", -წერს ხიდაშელი.
შეგახსენებთ, რომ მიხეილ სააკაშვილის განცხადებით ,,პირველად ისტორიაში მოხდა ისე, რომ ევროკავშირის და საქართველოს, ამ შემთხვევაში ევროპარლამენტისა და საქართველოს ერთობლივი დოკუმენტი ჩავარდა და არ იქნა მიღებული საქართველოს დელეგაციის წინააღმდეგობის გამო.
რამდენიმე წლის წინათ, ჩვენ ასეთ დოკუმენტებზე არც კი ვიოცნებებდით, ჩვენ არც კი ვიყავით ევროკავშირის რადარზე, მაგრამ რვა წლის განმავლობაში მივაღწიეთ იმას, რომ წელს ვილნიუსის სამიტზე, მოლდოვასთან ერთად, საქართველოს შეეძლო მიეღო ევროკავშირის პერსპექტივა. ეს ნიშნავს იმას, რომ ქვეყანა მომავალში განხილული ყოფილიყო ევროკავშირის პოტენციურ წევრად. თუ ეს რაღაც თეორიული შესაძლებლობა იყო, პრაქტიკულად, გადაწყვეტილ საკითხს წარმოადგენდა ასოცირების ხელშეკრულება, თავისუფალი ვაჭრობის ხელშეკრულება, უვიზო მიმოსვლა საქართველოს მცხოვრებთათვის.