საქართველოს პრეზიდენტ განცხადებით, "ახალი ხელისუფლების გამონათქვამების პირობებში უცხოელებს უჩნდებათ განცდა, რომ არა სეპარატისტების, არამედ ქართველების ბრალია ის, რაც ოკუპირებულ ტერიტორიაზე მოხდა".
„პაატა ზაქარეიშვილი გამოვიდა და თქვა, რომ უნდა გამოვიძიოთ ის დანაშაულები, რომლებიც წინა ხელისუფლებამ აფხაზეთსა და სამხრეთ ოსეთში ჩაიდინა. ამას ამბობს საქართველოს რეინტეგრაციის მინისტრი. მან საქართველოს მთავრობის პოზიცია გაახმაურა და გულისხმობდა, რა თქმა უნდა, 2008 წლის ომს, ოპერაციას, როდესაც ჩვენმა სპეცრაზმმა „კოჭოია" გადმოათრია, რომელიც აფეთქებებს აწყობდა და ჰკლავდა ხალხს", - განაცხადა პრეზიდენტმა და აღნიშნა, არ წყინს, რომ აფხაზური დაჯგუფების რამდენიმე ლიდერი, რომლებიც ქართველოების ხოცვაში იყო ეჭვმიტანილი, სიცოხხლეს გამოესალმნენ და იმ ხალხმა ქართველების ხოცვა ვერ გააგრძელა.
"აღმოჩნდა, რომ რაზეც ჩვენი სამართლებრივი პრეტენზიები იდგა, ტყუილია და ისინი მსგავსს არაფერს აკეთებდნენ. ამასობაში რუსეთი ჩადის კუბაში, 30 მილიონინი ვალი აპატია და მან პირობად დაუდო აფხაზეთისა და სამხრეთ ოსეთის აღიარება და ამის დიდი საფრთხე არსებობს. ამ საუბრების დროს, რამდენადაც ვიცი, კუბელებს უთხრეს, თქვენ რას ნერვიულობთ, თავად ქართველები მათ მხარეებად მოიხსენიებენო. ლავროვი ჩავიდა აფრიკაში და უთხრა მათ, რომ ქართველები არ არიან წინააღმდეგი და თქვენ გაძლევთ კრედიტებს და ფულს და აიღეთო. ჩვენ ეს არაღიარების პოლიტიკა კბილებით გვეჭირა. ეს არსი საქართველოსთვის კატასტროფული შედეგების მომტანია და როცა ასეთ განცხადებას შენი რეინტეგრაციის მინისტრი აკეთებს, მერე იმ კუბელ თუ აფრიკელ დიპლომატს უჩნდება განცდა, რომ მართლაც, ეტყობა ყველაფერი ქართველების ბრალია. ასეთ რამეს კი არ უნდა ვამბობდეთ, ერთად უნდა ვიჯდეთ და ჩვენ გავუზიარებთ იმ ინფორმაციას, რაც ვიცით და ყველა ერთად უნდა ვმუშაობდეთ იმაზე, რომ ოკუპაციის ლეგალიზაცია არ მოხდეს",- განაცხადა პრეზიდენტმა.