სამხრეთ კავკასიასა და ცენტრალურ აზიაში ნატოს გენერალური მდივნის სპეციალურმა წარმომადგენელმა ჯეიმს აპატურაიმ საქართველოში ბოლო დროს მიმდინარე პროცესები შეაფასა.
,,ის პროცესები, რომლებიც სასამართლო პროცესებსა და დაკავებებს უკავშირდება, უნდა იყოს გამჭვირვალე და მიმდინარეობდეს კანონის სრული დაცვით. ეს რომ ასეც იქნება, ამაში მოკავშირეებმა თავად დაგვარწმუნეს. ბრიუსელში იუსტიციის მინისტრის ვიზიტი დროული იქნება. იგი ისაუბრებს რეფორმებზე. შეხვედრაზე, სავარაუდოდ, დაისმება კითხვები, თუ რა ხდება რეალურად ამ თემებთან დაკავშირებით. მას შესაძლებლობა ექნება, დეტალურად გასცეს პასუხი ყველა კითხვას. იუსტიციის მინისტრი საერთაშორისო არენაზე ცნობილია როგორც ძალიან გამოცდილი ადამიანი. ჩვენ მას ვენდობით, და ეჭვი არ მეპარება, რომ ის მკაფიოდ ახსნის საქართველოში მიმდინარე პროცესებს. ჩვენ არ გვინდა პროცესებში ჩარევა, თუმცა გვინდა დაცული იყოს კანონის უზენაესობა",- განაცხადა აპატურაიმ.