ისევ პროვინციული დიქტატურის რაღაც რეჟიმში გადავედით, - ამის შესახებ საქართველოს პრეზიდენტმა მიხეილ სააკაშვილმა "საზოგადოებრივი მაუწყებლის" ეთერში განაცხადა. მისი თქმით, სამწუხაროდ, პოლიტიკური ამნისტიები არ შეიძლება.
"დღეს არის პოლიტიკურმა ამნისტია და მაშინაც იყო პოლიტიკური ამნისტია. ვაღიარებ, რომ იყო შეცდომა. თქვენ რაღაზე იმეორებთ. მაშინ იყო 5 კაცზე, თქვენ იმეორებთ შეცდომას 12 ათას კაცზე. ამიტომ მოდით ვისწავლოთ სხვის შეცდომებზე და გავაგრძელოდ ქვეყნის წინსვლა და არ დავუნბრუნდეთ იქ, საიდანაც ნულიდან დავიწყეთ მაშინ", - განაცხადა სააკაშვილმა.
მისი თქმით, თუ საქართველოში ერთი მხრივ, იქნება საპარლამენტო უმცირესობა, რომელიც რაღაც არგუმენტებს იტყვის და მეორე მხრივ, უმრავლესობა იტყვის, რომ გაჩუმდით თორემ დაგიჭერთ, ესე იგი, მაშინ საქართველოს არ მიესვლება ევროპაში.
"და ეს არის ზუსტად. რუსეთს ის კი არ სჭირდება, ჩვენ დავიფიცოთ და ვთქვათ, რომ არასოდეს შევალთ დსთ-ში, ჩვენ სხვაგან წასასვლელი არ გვექნება იმიტომ, რომ ისევ პროვინციული დიქტატურის რაღაც რეჟიმში გადავედით", - განაცხადა პრეზიდენტმა.
