მე ვაპირებდი პოლიტიკაში ყოფნა დამესრულებინა ვილნიუსის სამიტზე გამოსვლით, - ამის შესახებ საქართველოს პრეზიდენტმა მიხეილ სააკაშვილმა გადაცემა "აქცენტებში" საუბრისას განაცხადა. მისი თქმით, როდესაც ის პრეზიდენტი გახდა საქართველოში იყო სამი ძირითადი არხი - "რუსთავი 2", "იმედი" და "საზოგადოებრივი მაუწყებელი".
მისი თქმით, კონსტიტუციის მორგება არ ყოფილა არავისზე - ერთი პროცენტიც კი არ იყო.
"მე ვფიქრობ, ჩვენი ხალხი ნამდვილად ძალიან გონიერია და მშვენივრად იცოდა. მე არაერთხელ ვთქვი, რომ საქართველოში იქნება ხელისუფლების ცვლა, და ნამდვილად, ეხლა კიდევ ერთხელ მინდა დავადასტურო, რომ ვაპირებდი პოლიტიკიდან საერთოდ წასვლას, რომ ყოფილიყო ჩვეულებრივად, რასაც ვვარაუდობდით, რომ `ნაციონალური მოძრაობის~ გაემარჯვა. ეს იმიტომ არ ვთქვი, რომ ეს გამოიწვევდა იმას, რომ შეიძლება ესეც ყოფილიყო ჩვენი მარცხის საფუძველი. ეს ყოველთვის არის ძალიან ფრთხილი ხაზი. კონსტიტუციის მორგება არ ყოფილა არავისზე, ერთი პროცენტიც კი არ იყო. მე მართლა ვერავის ვერ ვათქმევინებდი, რომ პუტინივით მოვიქეცი. საქართველოს რეპუტაცია ბევრად მეტია, ვიდრე ჩემი ნებისმიერი რაღაც. მთელი ეს წლები ვაშენებდი დემოკრატიულ საქართველოს, იმიჯსაც. თქვენ როგორ წარმოგიდგენიათ, მე ვაპირებდი ჩემი ბოლო გამოჩენა დამესრულებინა ვილნიუსის სამიტზე გამოსვლით საქართველო მიიღებდა ევროკავშირის პერპექტივას წელს, ნოემბრის დასაწყისში და მივიდოდი და ვიტყოდი - გამარჯობათ მე შემდეგი პრემიერ-მინისტრი ვარ საქართველოში... ვინ მოგცემს ევროკავშირის პერეპექტვას", - განაცხადა სააკაშვილმა.