მეტი რა დემოკრატიულ მემკვიდრეობაზე უნდა ინატროს ნებისმიერმა ლიდერმა და ახალმა მთავრობამ? - - ამის შესახებ საქართველოს პრეზიდენტმა მიხეილ სააკაშვილმა გადაცემა "აქცენტებში" საუბრისას განაცხადა. მისი თქმით, როდესაც ის პრეზიდენტი გახდა საქართველოში იყო სამი ძირითადი არხი - "რუსთავი 2", "იმედი" და "საზოგადოებრივი მაუწყებელი".
"ჩემი პრეზიდენტობის დროს გაიხსნა "მაესტრო", როგორც მაუწყებელი, "მე-9 არხი", როგორც ოპოზიციური არხი, ჩემ დროს გაიხსნა 18 რეგიონული მაუწყებლობა, მათ შორის უმეტესობა ოპოზიციური, გაიხსნა ტელევიზია "ობიექტივი", 25-ე არხი აჭარაში, ჩემ დროს გამოვიდა 30-მდე ახალი გაზეთი. ეს ფაქტები არაა? ჩემ დროს მივიღეთ "მასტ ქერის" პრინციპი, ჩემ დროს მოხდა ქვეყნის კომპიუტერიზაცია, სოციალურ მედიას ხელს ვუწყობდით, რომ გავრცელებულიყო და შევქმენით კომპიუტერის გავრცელების საზოგადოება. ახლაც იხსნება ყველა სოფელში ეს ცენტრები. ჩემს დროს გაკეთდა ყველაფერი, რაც შეიძლება დემოკრატმა ლიდერმა ინატროს", - განაცხადა სააკაშვილმა და აღნიშნა, რომ მსოფლიოში რამდენიმე ლიდერი იქნება, რომელიც მიტინგს დაშლის და გადადგება.
"მე გადავდექი 7 ნოემბრის შემდეგ. მაჩვენე ერთი ლიდერი, მსოფლიში, ერთი ხელის 5 თითზე დაეტევა ალბათ, რომ მიტინგი დაშალოს, სრული კონტროლი აიღოს მედიაზე და მესამე დღეს გადაგეს. ამ პირობებში მე გადავდექი და ხელახლა გავედი საარჩევნო სამსჯავროზე. ეს არ იყო დემოკრატიის ნიშანი? ჩემ დროს მოხდა, საბოლოო ჯამში, პირველად საქართველოს ისტორიაში დემოკრატიული გადაბარება ხელისუფლების. მეტი რა დემოკრატიულ მემკვიდრეობაზე უნდა ინატროს ნებისმიერმა ლიდერმა და ახალმა მთავრობამ?", - განაცხადა პრეზიდენტმა.
.