განცდა, რომ ყველას გვისმენენ, ეს იყო ერთ-ერთი ყველაზე დიდი რამ, რამაც დაგვაზარალა, - - განაცხადა საქართველოს პრეზიდენტმა მიხეილ სააკაშვილმა საზოგადოებრივ მაუწყებელზე გადაცემას აქცენტებში საუბრისას. მისი თქმით, ბრალდების თემა სრულიად ნათელია რატომაც ხდება, ეს არის რიყის თემა.
"მე რომ ვიყავი იუსტიციის მინისტრი მინდა ვაღიარო და ამაზე ვიღებ სრულიად პასუხისმგებლობას, ჩემ დროსაც ციხეს აკონტროლებდა ქურდები, ერთადერთი, რაც ყოველდღიურად რომ ვუმეორებდი რომ ეს ასეა, რომ არ უნდა იყოს, ამაზე თავს დავდებ, რადგან ჩემთვის ეს არის ერთადერთი წმინდა წმინდა... კი, სხვა რაღაცები ხდებოდა და ბოროტება ხდებოდა.იმასაც ვნანობ, რომ ბევრი სატელეფონო საუბარი გამოქვეყნდა, მათ შორის სანქცირებულიც. მე მიმაჩნია რომ არც სანქცირებული საუბრები არ უნდა გასულიყო ტელევიზიით. მიმაჩნია, რომ ეს იყო ცუდი რაღაცა, რაც კეთდებოდა. ახლა უკანა რიცხვით რომ ვუყურებ რაც არ უნდა გაგვეკეთებინა, ბევრი რაღაცა, თუნდაც ის საუბარი რომ ნინო ბურჯანაძე რომ იძახის, რომ რუსები შემოვიყვანოთ, ესეც არ უნდა გამოგვექვეყნებინა, იმიტომ, რომ ვაჩვევდით საზოგადოებას რომ გაჩნდა განცდა, რომ ყველას უსმენ, რაც რა თქმა უნდა იყო არ იყო მართალი. მე მინდა დავადასტურო, რომ ეს რა თქმა უნდა ტყუილი იყო. რა თქმა უნდა ეს კრიმინალთან ბრძოლა, მათ შორის უცხოელ სპეცსამსახურებთან ბრძოლა, გადაიზარდა ამ მასშტაბურ განცდაში, რომ ყველას გვისმენდა. ეს განცდა იყო ერთ-ერთი ყველაზე დიდი რამ, რამაც დაგვაზარალა", - განაცხადა სააკაშვილმა.