მე არ ვიყავი პროკურატურის მუშაობის ბოლომდე კმაყოფილი. ბევრი რაღაცით ვიყავი უკმაყოფილო, მათ შორის საკონტროლო შესყიდვების ინსტიტუტით. ამის შესახებ მიხეილ საკაშვილმა გადაცემა "აქცენტებში" განაცხადა.
მისი თქმით, ნორმალური იყო იმის კონტროლი, რომ ჩინოვნიკს და მსხვილ ბიზნესმენს არ მოეპარა გადასახადი.
"მაგრამ იგივეს ვაკეთებდით ელიავას ბაზრობაზე ჯიხურის მეპატრონის მიმართ, თან მას, ვინც ამას აკეთებდა, ჰქონდა გეგმა შესასრულებელი - გამომუშავებაზე იყო და პროვოკაციაზე მიჰყავდა ადამიანი.", - გნაცხადა სააკაშვილმა და დასძინა, - "ძალიან ცუდია, რომ ამაში პროკურატურა იყო ჩარეული და, რა თქმა უნდა, ეს იყო ძალაუფლების ბოროტად გამოყენება. მე მიმაჩნია, რომ ეს იყო ერთ-ერთი უმთავრესი შეცდომა, რასაც ჩვენი სამართალდამცავი სისტემები აკეთებდნენ და რასაც, სამწუხაროდ, დღევანდელები ასმაგად იმეორებენ".
