ახლა ბრძოლა მიდის ძალაუფლებისთვის, - განაცხადა საქართველოს პრეზიდენტმა მიხეილ სააკაშვილმა საზოგადოებრივ მაუწყებელზე გადაცემას აქცენტებში საუბრისას. მისი თქმით, მას ესმის რატომ დანიშნა გიგი უგულავამ სევდია უგრეხელიძე პირველ მოადგილედ და ვანო მერაბიშვილი მოადგილედ.
"იმიტომ, რომ ახლა ბრძოლა მიდის ძალაუფლებისთვის, ეს მთელი ლაპარაკი, მთელი ეს თვეები, კვირეები, რაზეც მიდის ახლა ხელების გადაწევა, ეს რა თქმა უნდა, ნაკლები აქვს ახლა საერთო ქვეყნის ინტერესებთან და ხალხის ინტერესებთან... ხალხისთვის რაღაცის გაკეთების მცდელობასთან, ეს არის ბრძოლა ძალაუფლებისთვის. მთავრობა თვლის, რომ მას არა აქვს ძალაუფლება, თუ ამ სასახლეში თვითონ არ სხედან და თუ რომელიმე ადგილობრივი მმართველობაში ვინმე სხვა ზის. აქედან გამომდინარე, პირველ მოადგილედ სევდია უგრეხელიძის დანიშვნა ნიშნავს მას, რომ თუ ისინი შეეცდებიან სასამართლო წესით გიგი უგულავას ჩამოშორებას ამ ბრალდების შედეგად მერის თანამდებობიდან, მაშინ მერი ავტომატურად ხდება სევდია უგრეხელიძე. მე იმედი მაქვს, რომ ეს სიტუაცია არ დადგება, იმედია სასამართლო ამ შემთხვევაში იმსჯელებს და სწორ გადაწყვეტილებას მიიღებს, მაგრამ თავისთავად, სევდია უგრეხელიძე ძალიან ფუნდამენტურად, სწორად მოაზროვნე ქალბატონია და მე, ბოლო დღეებში სხვათა შორის ვუყურებდი ამ ზეწოლის ქვეშ როგორ ღირსეულად ეჭირა თავი, მე ის მახსოვს 90-იანი წლებიდან როგორ ღირსეულად ეჭირა თავი ძალიან რთულ სიტუაციებში, ეს არ არის რომელიმე პოლიტიკური ბანაკის ესეთი წევრი, იმიტომ, რომ დღევანდელ პარლამენტში ორივე მხარეს სხედან ხალხი, რომელსაც პირადად არის დახმარებული, მაგრამ რაღაც ეტაპზე რაღეები, ძალიან ცუდად გამოუვიდა და რაღაცები აშკარად გადააჭარბეს ძალაუფლებაზე, რაღაცა არ უნდა გაეკეთებინათ", - განაცხადა სააკაშვილმა.
