,,აღებული საგარეო პოლიტიკური კურსი გრძელდება", -განაცხადა ჟურნალისტებთან აშშ-ის ელჩმა საქართველოში რიჩარდ ნორლანდმა საქართველოს მთავრობის წევრებთან შეხვედრის კომენტირებისას
,,პრემიერ-მინისტრთან კარგი შეხვედრა გვქონდა, რომელმაც გამონახა დრო დიპლომატიურ კორპუსთან სასაუბროდ, რათა კიდევ ერთხელ დაედასტურებინა მთავრობის პრიორიტეტები და რომ აღებული საგარეო პოლიტიკური კურსი გრძელდება. ეს იყო მესიჯი, რომელიც მივიღეთ. მთავრობა ერთგული რჩება ევროატლანტიკური ინტეგრაციის მიმართ, ასევე შეხვედრაზე საუბარი იყო იმაზე, რომ აპირებენ ქვეყნის სტრატეგიული დოკუმენტის შემუშავებას, ისე, რომ საერთაშორისო თანამეგობრობამ კოორდინაცია გაუწიოს საქართველოს ეკონომიკური განვითარების დახმარებას", -განაცხადა ნორლანდმა.