,,ნაციონალური მოძრაობა" ჩამქრალი ნათურაა, რომელიც ვეღარასოდეს, ვეღარ გაანათებს", -განცხადა ,,პრაიმ ტაიმის" პრესკლუბში სტუმრობისას ,,ქრისტიან-დემოკრატიული მოძრაობის" ლიდერმა გიორგი თარგამაძემ ,,ნაციონალური მოძრაობის" მიერ დაანონსებული მიტინგის კომენტირებისას და აღნიშნა, რომ ,,ნაციონალური მოძრაობა" ქვეყნის გადატრიალებას ვეღარ შეძლებს.
,,მახსენდება შევრდნაძის ცნობილი გამონათქვამი ლოგინში გადატრიალების შესახებ. ესენი არაფრის გადამტრიალებლები აღარ არიან. უბრალოდ, ამ ეჭვების დათესვით ცდილობენ ახალი გრავიტაცია შექმნას ქართულ პოლიტიკაში მათ შორის მედიაშიც, რომ მუდმივად მედიის ყურადღების ცენტრში იყვნენ, ხალხი ნერვიულობდეს, განიხილებოდეს ეს თემები თოქ-შოუებში, მოახერხებენ თუ არა მერაბიშვილი და სააკაშვილი რაიმეს გადატრიალებას. ,,ნაციონალური მოძრაობა" ჩამქრალი ნათურაა, რომელიც ვეღარასოდეს, განსაკუთრებით პროდასავლური საზოგადოების იმედებს ვეღარ გაანათებს", -განაცხადა თარგამაძემ.
შეგახსენებთ, რომ ,,ნაციონალური მოძრაობა" 19 აპრილს პარლამენტის ყოფილ შენობასთან მიტინგის ჩატარებას გეგმავს.
