საქართველოს პრემიერ-მინისტრმა საქართველოში ოფიციალურ ვიზიტად მყოფ ამერიკელ კონგრესმენებს ბიზნესცენტრში უმასპინძლა.
ოფიციალურ ვახშამს ესწრებოდნენ: კონგრესმენი კალიფორნიის შტატიდან, საგარეო საქმეთა კომიტეტის თავმჯდომარე, ევროპის, აზიისა და ახლადშექმნილი საფრთხეების ქვეკომიტეტის წარმომადგენელი დანა რორბახერი მეუღლესთან, რონდა რორბახერთან ერთად; ბრაიან ჰიგინსი - ნიუ იორკის შტატის წარმომადგენელი, საგარეო საქმეთა კომიტეტის წევრი, კონტრ-ტერორიზმისა და დაზვერვის ქვეკომიტეტის, ასევე წარმომადგენელთა პალატის უშიშროების კომიტეტის წევრი; ტედ პო - წარმომადგენელი ტეხასის შტატიდან, საგარეო საქმეთა კომიტეტის წევრი; პოლ კუკი - კალიფორნიის შტატის წარმომადგენელი, საგარეო საქმეთა კომიტეტის წევრი მეუღლესთან, ჯინ კუკისთან ერთად ; პოლ ბერკოვიცი, საგარეო საქმეთა კომიტეტის ევროპის, აზიისა და ახლადშექმნილი საფრთხეების ქვეკომიტეტის წევრი; ჯესპერ პედერსენი - საგარეო საქმეთა კომიტეტის ევროპის და აზიის საკითხთა ქვეკომიტეტის თანამშრომელი.
ოფიციალურ ვახშამზე ბიძინა ივანიშვილმა ამერიკელ კონგრესმენებს საქართველოში არსებული ვითარება და მთავრობის პრიორიტეტები გააცნო. თავის მხრივ კონგრესმენებმა ახლადარჩეულ მთავრობას წარმატებები უსურვეს და იმედი გამოთქვეს, რომ საქართველოს და ამერიკის შეერთებულ შტატებს შორის არსებული მეგობრული ურთიერთობა კიდევ უფრო გაღრმავდება.
მასალის გამოყენების პირობები