საქართველოს საპარლამენტო დელეგაცია გვიან ღამით ვენაში გაემგზავრა. კოალიცია ,,ქართული ოცნების" დეპუტატები ზურაბ აბაშიძე, ვიქტორ დოლიძე და ,,ნაციონალური მოძრაობის" წევრი გიგი წერეთელი ეუთოს ზამთრის სესიას დაესწრებიან.
ასამბლეის სხდომაზე უსაფრთხოებისა და ეკონომიკური თანამშრომლობის საკითხებს განიხილავენ. კონფერენციაზე ეუთოს სადამკვირვებლო მისიების ანგარიშებიც იქნება წარმოდგენილი.
ვიზიტის ფარგლებში ქართული დელეგაცია ქვეყნის დეოკუპაციისა და დევნილების დაბრუნების თემაზე გაამახვილებს ყურადღებას.
,, სესიაზე იქნება მოსამზადებელი სამუშაოები შემდეგ ზაფხულში დაგეგმილ სესიისთვის, სადაც უკვე რეზოლუციები მიიღება. ჩვენ შევეცდებით, რომ ჩვენს პარტნიორებთან ერთად გავააქტიუროდ საქართველოსთვის ყველაზე სასიცოცხლოდ აქტუალური თემები", -განაცხადა ჟურნალისტებთან გიგი წერეთელმა.
დელეგაციას პარლამენტის ევროპასთან ინტეგრაციის კომიტეტის თავმჯდომარე ვიქტორ დოლიძე ხელმძღვანელობს.
