საქართველოს პრეზიდენტსა და სომხეთის პრეზიდენტს შორის სატელეფონო საუბარი შედგა.
პრეზიდენტის ადმინისტრაციის ინფორმაციით, მიხეილ სააკაშვილმა სერჟ სარგსიანს საპრეზიდენტო არჩევნებში გამარჯვება და მეორე ვადით არჩევა მიულოცა.
ქვეყნის პირველმა პირმა სომეხ კოლეგას წარმატებები, სომეხ ხალხს კი კეთილდღეობა, ეკონომიკური და დემოკრატიული განვითარება უსურვა. პრეზიდენტებს შორის საუბარი საქართველოსა და სომხეთის მომავალ ურთიერთობასაც შეეხო.
