საქართველოსთვის ევროპული ინტეგრაცია არის სასიცოცხლოდ მნიშვნელოვანი საკითხი. ამის შესახებ საქართველოს პრეზიდენტმა მიხეილ სააკაშვილმა პრეზიდენტის სასახლეში ევროკავშირის აღმოსავლური პარტნიორობის ქვეყნების არაფორმალური დიალოგის მონაწილეებთან შეხვედრისას განაცხადა.
"ის ქვეყნები, რომელთაც ადრე ურთიერთობები ქონდათ მხოლოდ დსთ-ს სივრცეში, საბაჟო კავშირის და პოსტსაბჭოთა გაერთიანებების სხვადასხვა სივრცეში, ევროპული ქოლგის ქვეშ შეიკრიბნენ. თავიდანვე ჩვენ ვვარაუდობდით, რომ ეს პარტნიორობა შეივსებოდა კონკრეტული შინაარსით, კონკრეტული ორმხრივი ურთიერთობები ჩაერთვებოდა და ეს ასე მოხდა. მიხარია, რომ აქ არის ბევრი მნიშვნელოვანი დელეგაცია წარმოდგენილი. Mმივესალმები ბელორუსის საგარეო საქმეთა მინისტრს, ჩვენ ასევე მივესალმებით, რომ აქ არიან წარმოდგენილი Mჩვენი მოლდოველი, უკრაინელი მეგობრები, სომხები და აზერბაიჯანელები. რა თქმა უნდა ჩვენ სხვადასხვა ეტაპზე და სხვადასხვა სურვილებით მივდივართ ევროპული ინტეგრაციისკენ. როგორც მესმის, მოლდოვას აქვს საშუალება ევროპული პერსექტივის განცხადება მიიღოს ვილნიუსის სამიტიდან უკვე წელს. Mმოლოდინი ასეთი იყო, რომ საქართველო მოლდოვასთან ერთად თეორიულად შეძლებდა ევროპული პერსპექტივის მიღებას. Aახლა ამაზე ნაკლებად საუბრობენ", - განაცხადა პრეზიდენტმა.
მისი თქმით, საქართველომ მიიღო ჩანაწერი, რომ გახდებოდა ნატო-ს წევრი იმედია, შანსი იმისა, რომ საქართველო გახდება ევროკავშირის წევრი ბოლომდე დაკარგული არ არის.
"ჩვენ ასევე ვმუშაობთ ასოცირების ხელშეკრულებაზე და მნიშვნელოვანია, რომ საქართველომ ასოცირების ხელშეკრულებას მოაწეროს ხელი. მე მზად ვარ ყველანაირად საქართველოს მთავრობას დავეხმარო. იცით, რომ არის ბევრი გარემოება, რომელიც შეიძლება პრობლემატური იყოს საქართველოს შიგნით მიმდინარე პროცესების გათვალისწინებით. ეს სულაც არ მახარებს. საქართველოსთვის ევროპული ინტეგრაცია არის სასიცოცხლო მნიშვნელოვანი საკითხი", - განაცხდა მიხეილ სააკაშვილმა.