თურქეთში ვიზიტის ფარგლებში საქართველოს პრემიერ-მინისტრი ბიძინა ივანიშვილი თურქეთის პრეზიდენტს აბდულა გიულსა და პრემიერ-მინისტრს რეჯებ ტაიპ ერდოღანს შეხვდება.
როგორც ,,ჯი-ეიჩ-ენთან" საუბარში პრემიერის პრესსამსახურის წარმომადგენელმა მანანა თოქმაჯიშვილმა განმარტა, ბიძინა ივანიშვილის ვიზიტი ერთდღიანია.
პრემიერის პრესსამსახურის ინფორმაციით, თურქეთში ვიზიტის ფარგლებში ასევე დაგეგმილია შეხვედრა თურქეთის ერთ-ერთ მედიასაშუალების ხელმძღვანელთან.
შეგახსენებთ, რომ ბიძინა ივანიშვილი თურქეთში ხვალ, 14 თებერვალს გაემგზავრება.