,,სააკაშვილმა ვერ გაიგო რომ ის არის ქვეყნის პრეზიდენტი და არ უნდა ისაუბროს სიძულვილის ენით", -განაცხადა "პრაიმ ტაიმის" პრესკლუბში სტუმრობისას ექსპერტმა პოლიტიკის საკითხებში კახა კახიშვილა და აღნიშნა, რომ რეზიდენციაში გამართულ პრესკონფერენციაზე პრეზიდენტი სიძულვილის ენით საუბრობდა.
"გუშინ პრეზიდენტის საუბარი სიძულვილის ენით იყო გაჟღენთილი. მიხეილ სააკაშვილმა ვერ გაიგო რომ ის არის ქვეყნის პრეზიდენტი და არ უნდა ისაუბროს სიძულვილის ენით. მე ვურჩევდი უმრავლესობას რომ პრეზიდენტთან მოლაპარაკებებში ჩართული იყვნენ დიპლომატიური კორპუსის წარმომადგენლები",_განაცხადა კახიშვილმა.
შეგახსენებთ, რომ პრეზიდენტის რეზიდენციაში მიხეილ სააკაშვილისა და დავით უსუფაშვილის შეხვედრა გაიმართა. შეხვედრას საპარლამენტო ოპოზიციის ლიდერი დავით ბაქრაძეც ესწრებოდა. როგორც შეხვედრის დასრულების შემდეგ მხარეებმა განცხადეს კონკრეტულ საკითხებზე შეთანხმება მიღწეული არ არის, მაგრამ დიალოგის გაგრძელებას პერსპექტივა აქვს.