,,მომავალში თუ გავაგრძელებთ ნორმალურ, ვითარებაში ურთიერთობას შესაძლოა გამოიკვეთოს კონტურები გარკვეული შეთანხმებებისა ", _განაცხადა ჟურნალისტებთან საპარლამენტო ოპოზიციის წევრმა გიორგი გაბაშვილმა პრეზიდენტისა და პარლამენტის თავმჯდომარის შეხვედრის კომენტირებისას.
,,დადებითია, რომ შეხვედრა შედგა, სადაც განხილული იყო საკითხები, რომელიც საპარლამენტო უმრავლესობასა და უმცირესობას აწუხებს. არსებობს პერსპექტივა იმაზე, რომ მომავალში თუ გავაგრძელებთ ნორმალურ, ცივილურ ვითარებაში ურთიერთობას შესაძლოა გამოიკვეთოს კონტურები გარკვეული შეთანხმებებისა.
შეგახსენებთ, რომ პრეზიდენტის რეზიდენციაში მიხეილ სააკაშვილისა და დავით უსუფაშვილის შეხვედრა გაიმართა. შეხვედრას საპარლამენტო ოპოზიციის ლიდერი დავით ბაქრაძეც ესწრებოდა. როგორც შეხვედრის დასრულების შემდეგ მხარეებმა განცხადეს კონკრეტულ საკითხებზე შეთანხმება მიღწეული არ არის, მაგრამ დიალოგის გაგრძელებას პერსპექტივა აქვს.