,,გამომძიებლები დასაკითხად არც მერიაში და არც ,,ნაციონალური მოძრაობის" ოფისში არ მივლენ", _ აღნიშნულის შესახებ ,,ჯი-ეიჩ-ენთან" საუბარში შსს პრესსამსახურის ხელმძღვანელმა ნინო გიორგობიანმა განაცხადა და აღნიშნა, რომ შსს ყველას მოუწოდებს პატივი სცენ კანონს.
,,მოვუწოდებთ ყველას, პატივი სცენ, დაემორჩილონ კანონს და ითანამშრომლონ გამოძიებასთან", - განაცხადა გიორგობიანმა.
შეგახსენებთ, რომ სამართალდამცველებმა 8 თებერვალს ეროვნულ ბიბლიოთეკასთან მომხდარ დაპირისპირებასთან დაკავშირებით დაკითხვაზე ქალაქის მერი და ,,ნაციონალური მოძრაობის" დეპუტატები დაიბარეს, თუმცა ისინი დაკითხვაზე მისვლას არ აპირებენ.
