,,ის უსიამოვნება, რომელიც მოხდა ამ დღეებში, პრეზიდენტის გამოსვლის წინ, მეტად სამწუხაროა", _ბრძანა უწმინდესმა და უნეტარესმა სრულიად საქართველოს კათოლიკოს პატრიარქმა ილია მეორემ სამების საკათედრო ტაძარში ქადაგებისას.
პატრიარქი დარწმუნებულია, რომ ყველაფერი კარგად იქნება და საქართველოში მშვიდობა დაისადგურებს.
,,ის უსიამოვნება, რომელიც მოხდა ამ დღეებში, პრეზიდენტის გამოსვლის წინ, მეტად სამწუხაროა, მაგრამ უნდა ვიცოდეთ, რომ ბოროტება იკურნება სიყვარულით. არ შეგეშინდეთ ამ მოვლენების, ეს ყველაფერი გაივლის და საქართველო სამშვიდობოზე აუცილებლად გავა", - ბრძანა ილია მეორემ სამების საკათედრო ტაძარში.
ქადაგების დასასრულს პატრიარქმა რამდენიმე სასულიერო პირი დააჯილდოვა და 9 გვარი დალოცა. დღესვე ილია მეორემ კიკბოქსის ფედერაციაც დალოცა და მის პრეზიდენტს საჩუქრად წმინდა გიორგის ხატი გადასცა.
