,,ნაციონალური მოძრაობის" წევრი კობა ხაბაზი მთაწმინდის პოლიციის სამმართველოში დაკითხვაზე უკვე მივიდა. როგორც ჟურნალისტებთან დაკითხვის დაწყებამდე კობა ხაბაზმა განმარტა, საქართველო დღეს პარადოქსების ქვეყანაა.
,,საქართველოში ისეთი ხელისუფლებაა, რომელიც გიგი უგულავას დაკითხვაზე იბარებს ადამიანების დასაქმებისთვის, მე დამიბარეს, ალბათ რატომ მივდიოდი პრეზიდენტთან შესახვედრად, ან რატომ მივდიოდი საჯარო ბიბლიოთეკაში. პარადოქსების ქვეყანაა", -განაცხადა ხაბაზმა.
შეგახსენებთ, რომ საჯარო ბიბლიოთეკასთან განვითარებულ მოვლენებთან დაკავშირებით, ძველი თბილისის რაიონის პოლიციაში მოწმის სახით დაკითხვაზე დაიბარეს ასევე ,,ნაციონალური მოძრაობის " დებუტატები გიორგი კანდელაკი, ლევან ბეჟაშვილი, რომელბიც გავრცელებული ინფორმაციით დაკითხვაზე მისვლას არ აპირებენ. დაკითხვაზე ასევე დაბარებულია თბილისის მერი გიგი უგულავა. თბილისის მერი მზადყოფნას გამოთქვამს აღნიშნულ საკითხთან დაკავშირებით ნებისმიერ კითხვას უპასუხოს, თუმცა წინასწარგაწერილი განრიგის გამო, გიგი უგულავა პოლიციაში მისვლას არ აპირებს და სამართალდამცავებს თბილისის მერიაში ელოდება.
