უშიშროების საბჭოს მდივანი გიგა ბოკერია პირადად ესაუბრა აშშ-ს მინისტრს და ეროვნული ბიბლიოთეკის მიმდებარე ტერიტორიაზე წესრიგის დაცვა სთხოვა, აღნიშნულის შესახებ განცხადება „ნაციონალური მოძრაობის" ერთ-ერთმა ლიდერმა ირმა ნადირაშვილმა გააკეთა.
ნადირაშვილის განმარტებით, ირაკლი ღარიბაშვილი გიგა ბოკერიას დაჰპირდა, რომ სათანადო ზომებს მიიღებდა, თუმცა როგორც ნადირაშვილი განმარტავს, ყველამ კარგად დაინახა რაც ეროვნულ ბიბლიოთეკასთან ხდება.
„დღევანდელი ამ საქციელიდან ნამდვილად ჩანს, მთავრობას, პირადად ბიძინა ივანიშვილს სურს დესტაბილიზაცია, არეულობა ქვეყანაში და მათ არაფერი არ გააკეთეს რომ მიმართვას კონსტრუქციულ ვითარებაში ჩაევლო", - განაცხადა ნადირაშვილმა მანვე განმარტა, რომ ეს არის ხელისუფლება რომელიც სამოქალაქო დაპირისპირებაზეც კი არის წამსვლელი.
