ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ და მინისტრის პირველმა მოადგილემ გოგი ფაცაციამ, ჩეხეთის სრულუფლებიან და საგანგებო ელჩთან საქართველოში ივანე ესტრაბთან სამუშაო შეხვედრა გამართეს.
მინისტრმა ელჩს დევნილი მოსახლეობის ძირითადი საჭიროებები გააცნო, მოკლედ ესაუბრა სამინისტროს 4 წლიან გეგმაზე, რომლიც დევნილი ოჯახების განსახლებას ითვალისწინებს. მინისტრმა, ასევე სამინისტროში მიმდინარე სიახლეებზეც ისაუბრა და ელჩს ახალი ინიციატივა - მიღების დღეები და მისი სტატისტიკა წარუდგინა.
მინისტრმა ასევე აღნიშნა, რომ სამინისტროში შეიქმნა რამდენიმე სამუშაო ჯგუფი, რომლებიც დევნილებთან დაკავშირებით სხვადასხვა საკითხებზე მუშაობენ. მათგან ერთ-ერთი, დევნილთა შესახებ ახალი კანონის შემუშავებაა.
ჩეხეთის სრულუფლებიან და საგანგებო ელჩთან საქართველოში, ივანე ესტრაბმა დადებითად შეაფასა მინისტრის საქმიანობა. მან ასევე, აღნიშნა, რომ ჩეხეთის რესპუბლიკა მხარს უჭერს საქართვლოს ერთიანობას და ჩეხეთისთვის საქართველო პრიორიტეტული ქვეყანაა. ელჩის თქმით, თანამშრომლობა გაგრძლდება და დევნილთა განსახლების 4 წლიანი გეგმის მხარდაჭერაც დაადასტურა.
"ვისაუბრეთ დევნილების პრობლემებთან დაკავშირებით. ეს შეხვედრა ჩემთვის ძალიან მნიშვნელიოვანი იყო. პირადად მინისტრისგან მოვისმინე არსებული მდგომარეობა, როგორ აგვარებს სამინისტრო დევნილების პრობლემებს და რა სამომოავლო გეგმები და საჭიროებები რჩებათ. მესმის, რომ აღნიშნული საკითხები მარტივი მოსაგვარებელი არ არის, რადგან საცხოვრებელ ფართი ჯერ კიდევ ათასობით დევნილს სჭირდება"- აღნიშნა ივანე ესტრაბმა.
მინისტრმა დავით დარახველიძემ მადლობა გადაუხარა დიპლომატს საკითხით სტუმრობისთვის და მხარდაჭერისთვის. მინისტრის თქმით: „ელჩი კარგად იცნობს ჩვენს ქვეყანას, ნამყოფია აფხაზეთში, ახსოვს თუ როგორი საცხოვრებელი პირობები იყო იქ, შესაბამისად კარგად ესმის დევნილი მოსახლეობის მდგომარეობა. განვიხილეთ დღევანდელი ჩვენი პრობლემები, ელჩმა გაიზიარა ჩვენი მოსაზრებები და დახმარებას და თანამშრომლობას დაგვპირდა ისევე, როგორც ეს აქამდე ხორციელდებოდა ჩეხეთისა და საქართველოს რესპუბლიკებს შორის."
