A ტიპის ვირუსით დაავადებულთა რაოდენობამ ბოლო დღეების განმავლობაში საგრძნობლად იმატა. ექიმების განცხადებით, იაშვილის სახელობის ბავშვთა კლინიკაში რამდენიმე ათეულ ბავშვს მკურნალობენ. ასევე, ათეულობით ბავშვი მიჰყვათ კლინიკაში ყოველდღიურად A ტიპის ვირუსისთვის დამახასიათებელი სიმპტომებით.ხშირ შეთხვევაში დაავადება პნევმონიაში გადადის. როგორც იაშვილის სახელობის კლინიკაში აცხადებენ, რესპირატორული მედიცინის განყოფილება მთლიანად დატვირთულია.
ანალოგიური ვითარებაა ერისთავის კლინიკაში, სადაც მოზრდილებს მკურნალობენ. დაავადებათა კონტროლის ცენტრში ადასტურებენ, რომ დაავადებულთა რაოდენობამ სეზონურად იმატა, თუმცა მათი მონაცემებით, ვითარება არ არის საგანგაშო. ისინი რეკომენდაციით მიმართავენ მოსახლეობას თვითმკურნალობისგან თავი შეიკავონ.
