აზერბაიჯანმა თავისი პირველი სატელეკომუნიკაციო თანამგზავრი Azerspace-1 გაუშვა. ინფორმაციას ამის შესახებ კავშირგაბმულობისა და ტექნოლოგიების სამინისტრო ავრცელებს.
თანამგზავრის გაშვება კოსმოდრომ კურიდან მოხდა, რომელიც ფრანგულ გვიანაში მდებარეობს.
Azerspace-1 ორბიტაზე რაკეტა Ariane 5-მა გაიყვანა. Azerspace-1-თან ერთად ორბიტაზე ესპანეთის თანამგზავრი Amazonas-3-ც გავიდა.
წინასწარი ინფორმაციით აზერბაიჯანული თანამგზავრი აღმოსავლეთ ევროპის, ჩრდილოეთ აფრიკის, დსთ-ს, ცენტრალური და აღმოსავლეთ აზის ქვეყნების მომხმარებლებს მოემსახურება.
მასალის გამოყენების პირობები
