უმრავლესობას არა აქვს არგუმენტები, რატომ არ კეთდება არაფერი ამ 100 დღის განმავლობაში და რატომ არ გაკეთდა არაფერი, რასაც ხალხს დაპირდნენ, - განაცხადა ფრაქცია "ნაციონალური მოძრაობის" თავმჯდომარემ გიორგი გაბაშვილმა. მისი თქმით, უმრავლესობა პრეზიდენტის მოსმენისა და მასთან დებატებისთვის მზად არ არის.
"ერთადერთი რაც მუშაობს, რეპრესიული მანქანაა. ეს არის მცდელობა საკონსტიტუციო გადატრიალებისა. შეგახსენებთ, რომ ხალხს "ქართული ოცნებისთვის" საკონსტიტუციო უმრავლესობა არ მიუცია, მათ მოიპოვეს უმრავლესობა, დააკომპლექტეს მთავრობა, მაგრამ არა აქვთ საკონსტიტუციო უმრავლესობა. როგორც ჩანს, მათი უპირველესი ამოცანაა, ამ რეპრესიებით, დაშინებით, შანტაჟით საკონსტიტუციო უმრავლესობის მოგროვება, რასაც ვერ ახერხებენ და ვერც მოახერხებენ", - აცხადებს გაბაშვილი.