,,საკონსტიტუციო ცვლილებების მიღებამდე პრეზიდენტთან დებატებს აზრი არ აქვს", -განაცხადა ჟურნალისტებთან საპარლამენტო უმრავლესობის ლიდერმა დავით საგანელიძემ პრეზიდენტის გამოსვლის გადადების კომენტირებისას.
,,საპარლამენტო უმცირესობა მიხეილ სააკაშვილის ხელმძღვანელობით არ აპირებს საქართველოს პარლამენტს დაუბრუნოს ის წართმეული უფლებები, რომელიც 2004 წლის ცვლილებებით იქნა საქართველოს კონსტიტუციაში გატარებული. სანამ საქართველოს პრეზიდენტი და მისი გუნდი არ დაფიქსირებს კენჭისყრაზე ამ საკითხთან დაკავშირებით სად დგანან, ჩვენ ვთვლით, რომ დებატებს მიხეილ სააკაშვილთან არანაირი აზრი არ აქვს", -განაცხადა საგანელიძემ.
შეგახსენებთ, რომ უმრავლესობის ინიციატივით, საკონსტიტუციო ცვლილებების განხილვამდე პრეზიდენტის გამოსვლა გადაიდო.